“Җәй. Шәһәр. Мәхәббәт”

Экраннарга “Җәй. Шәһәр. Мәхәббәт” дип аталган фильм чыкты. Анда мәхәббәт турында сигез новелла урын алган, аларда якты, күңелне нечкәртә һәм илһамландыра торган тарихлар гәүдәләндерелгән.

Фильм Уфаның иң танылган урыннарында: Якутов һәм Салават паркларында,  Арт-Квадрат, Черниковканың колоритлы урамнарында һәм шәһәрнең башка истәлекле урыннарында төшерелгән.

Фильм талантлы  режиссерлар: Айнур Әскәров, Виталий Дудки, Айрат Абушахманов, Айсуак Юмагулов, Руслан Юлтаев, Айдар Акманов һәм Руслан Римовичтан торган уникаль команда тарафыннан иҗат ителгән. Фильмда Русия киносы  йолдызлары Владимир Гарцунов, Валентина Ляпина, Янис Политов, Илья Виногорский, Александр Рожковский һәм Николай Галләмов, шулай ук Уфа театрларының әйдәп баручы актерлары Азат Җиһаншин, Алмас Әмиров, Рушана Бабич, Николай Рихтер, Полина Шабаева, Артур Кунакбаев, Ольга Мусина һәм башка бик күп талантлы артислар катнаша.

Фото: resbash.ru