Кеше телефонын актарсаң...

Күмертауда яшәүче 42 яшьлек хатын-кыз язышу серен бозган өчен суд каршына басачак.

БР Прокуратурасы матбугат хезмәтендә хәбәр итүләренчә, тикшерү версиясе буенча, 2024 елның апрелендә бу хатын-кыз, каенанасында кунакта булганда, аның телефоныннан законсыз рәвештә файдаланган, график код-парольне табып, мобиль җайланманың блокировкасын ачкан.

Шул рәвешчә, ул каенанасының улы белән нәрсәләр язышканын укыган. Бу вакытта исә ир белән хатын аерылышу процессында булган.  Бүлешергә тиешле уртак милек турындагы мәгълүматларны кулга төшереп, хатын-кыз әңгәмәнең скриншотларын ясаган һәм аларны судка тәкъдим иткән,  копияләрне үзенең дәгъва гаризасына беркеткән.

Нәтиҗәдә, аның үзен язышу серен бозган өчен гаепли башлаганнар. Гаепләнүче хатын гаебен танымаган. Җинаять эше Күмертау районара судына  җибәрелгән.

Чыганак: Башинформ.

Фото: freepik.