Барлык яңалыклар
10
Җәмгыять
19 март , 11:43

Елга авылга килсә...

Ярларыннан чыккан Инҗәр елгасы Азау авылында ишегалларын, торак йортларны баскан.

Елга авылга килсә...
Елга авылга килсә...

Башкортстан башлыгы Радий Хәбиров Архангель районында су басу сәбәпле килеп туган гадәттән тыш хәлнең аерым контрольдә булуын билгеләп үтте. "Бу вәзгыятьне һәм зур су белән бәйле башкаларны без аерым контрольдә тотабыз. Архангель районыннан тыш, Белорет, Благовар, Гафури районнары территориясендә йорт яны участоклары, 12 юл участогы һәм ике күпер су астында калды. Әгәр сез су басу зонасында калсагыз,  112 телефоны буенча шылтыратыгыз", - дип яза республика җитәкчесе үзенең социаль челтәрләрендә.

Исегезгә төшерәбез,  ярларыннан чыккан Инҗәр елгасы Азау авылында ишегалларын, торак йортларны баскан.

Урында оператив штаб эшли. Коткаручылар 103 кешене эвакуацияләгән, шуларның 80сен, шул исәптән 17 баланы, вакытлыча урнаштыру пунктларына илткәннәр.

Радий Хәбиров хәбәр иткәнчә, кешеләр кайнар ризык һәм барлык кирәкле әйберләр белән тәэмин ителгән. Торак пунктта яшәүчеләр белән психологлар һәм социаль хезмәткәрләр эшли. Эвакуация дәвам итә.

Чыганак: Башинформ.

Елга авылга килсә...
Елга авылга килсә...
Автор:Дильбар Сулейманова
Читайте нас: