Янгынны сүндергәннәр

Башкортстан буенча Гадәттән тыш хәлләр министрлыгы хезмәткәрләре Уфа нефть эшкәртү заводы территориясендә чыккан янгынны сүндергән.

Министрлыкның матбугат хезмәтендә хәбәр итүләренчә, янгын предприятие территориясендәге яндыру миче тирәсендә чыккан.

Корбаннар һәм зыян күрүчеләр юк.

Янгын урынына оператив рәвештә янгын сүндерүчеләр, шулай ук һава торышын контрольдә тоту өчен лаборатория белгечләре килгән.

Чыганак: Башинформ.