Март давылларга бай булмакчы

Белгечләр кисәтүенчә, Җирдә 7 нче марттан куәтле геомагнит шторм башланып, көннән-көн көчәячәк, һәм ул ай ахырына кадәр дәвам итәчәк.

Иң көчле чагы март уртасына һәм ахырына туры килә, бу якынча 15-17 һәм 28-31 нче март.

Геомагнит давыллары 25 еллык кояш циклына бәйле. Кояшның мондый активлыгы, мөгаен да, ясалма иярченнәр, элемтә һәм энергия челтәрләре эшендә чагылыш табар, шулай ук кешеләрнең сәламәтлегенә йогынты ясар, дип фаразлый галимнәр.

Үзгәрешләргә сизгер кешеләрдә баш авырту, кан басымы сикерү ихтималы бар. Бу, беренче чиратта, өлкән яшьтәге  һәм хроник авырулары булган кешеләргә кагыла.

Чыганак: Башинформ.

Фото: freepik.