«Кибер-ателье» «акыллы» кием җитештерә

Русиядә беренче «Кибер-ателье» – Уфа дәүләт нефть-техника университетының «Технология һәм кием конструкцияләү» кафедрасының акыллы киемнәр эшләүнең фәнни-тикшеренү лабораториясе – яңа гына эшли башлаган кием дизайнерларын бер урынга җыячак. Моның өчен вузара студентлар кампусы территориясендә тегү коворкингы ачыла.

Аның максатчан аудиториясе креатив индустрия өлкәсе университетлары һәм көллиятләре студентлары, үз эшләнмәләрен ясау өчен мәйданчыклары булмаган, үзмәшгуль осталар булачак. Дизайнер берләшмәләре профильле һөнәри мастер-класслар, курслар, семинарлар уздыру өчен урын алачак.

Тегү коворкингына ихтыяҗ югары. Болар исәбенә зур габаритлы заказларны үтәү өчен мәйдан булмау, махсус җиһазлар җитешмәү, эш өчен кыйммәтле цехлар арендалау мөмкинлеге булмау керә. Коворкингка килүчеләр һөнәри җиһазлар белән җиһазландырылган эш зонасы, шулай ук дуслык атмосферасы белән тәэмин ителәчәк, дип ассызыклады әлеге коворкингны оештыручыларның берсе, УДНТУның «Кибер-ателье» лабораториясе җитәкчесе Ога Будеева.

– Башкортстанда дизайнерлар һәм эшмәкәрләр буларак җитлегеп, яңа кием брендлары һәм җиңел сәнәгать эшләнмәләре булдырырга теләгән иҗади кешеләр күп. Һәм тегү коворкингы яңа идеяләр тудыру өчен мәйданчык булачак, Русиядә мода һәм креатив индустрия тарафдарлары артачак. Моннан тыш, тәҗрибәле укытучылар һәм осталар яшь дизайнерларга проект дизайны һәм эшләнмә әзерләүнең теләсә кайсы этабында профессиональ консультация хезмәтләре күрсәтә алачак, – дип сөйләде Ольга Будеева.

Чыганак: https://pravitelstvorb.ru