Уфада чиста булачак

Уфада «Затон-Восточный» канализация насос станциясеннән алып шәһәр канализация чистарту корылмалары мәйданчыгына кадәр канализация коллекторын төзеп бетерделәр.

Муниципаль контракт кысаларында гамәлгә ашырылган проект нәтиҗәсендә шәһәр канализация системасының үткәрү сәләте тәүлегенә 142 мең кубометрга кадәр артачак.

Бу якынча 8 млн кв.м торак төзергә һәм 260 мең гаилә өчен торак шартларын яхшыртырга мөмкинлек бирәчәк.

Бу хакта «Дон» төзелеш компанияләре төркеменең матбугат хезмәте хәбәр итте.

Белгечләр Агыйдел аша дюкерлы кичүне һәм Халыклар дуслыгы проспекты астында горизонталь-шнек бораулау ысулы белән торбалар салуны да кертеп, коллекторның 27 км трассасын салганнар.

Шулай итеп, Затон шоссесы аша траншеясыз кичүдә  эшләр төгәлләнгән, Агыйдел яры ныгытылган. Елганың уң ягындагы чистарту корылмаларына тоташтыру өчен корыч торбаүткәргеч төзелгән.

Чыганак: Башинформ.