Акмулла университетында – Милли кием көне!

Сентябрьнең икенче җомгасында Башкортстанда Республика халыкларының милли киеме көне билгеләп үтелә. Быел 13 сентябрьгә туры килгән бәйрәмгә Акмулла исемендәге Башкортстан дәүләт педагогия университеты бик теләп кушылды.

Югары уку йортының күп кенә студентлары һәм мөгаллимнәренең киемнәрендә һәм бизәнгечләрендә милли костюм элементларын, орнаментларны һәм этник стильне күрергә мөмкин иде.

Әлеге датага багышланган төп чаралар Филология белеме һәм мәдәниятара коммуникацияләр институтында һәм Башкорт филологиясе факультетында оештырылды. Институт студентлары «Төрлелек – безнең байлыгыбыз, бердәмлек – безнең көчебез» дигән челлендж үткәрделәр. Башкорт филологиясе факультетында доценты һәм этнограф Гөлкәй Шаһапованың «Курчак костюмы комплексында яшь башкорт хатын-кызының традицион киеме» темасына лекциясе үтте. Уфа шәһәренең 18 нче Башкорт балалар бакчасы тәрбиячесе, башкорт филологиясе факультетының магистратурасын тәмамлаган Алия Ишдәвлетова студентларга мәктәпкәчә учреждениеләрдә традицион милли киемле курчаклар куллану турында сөйләде.

Милли кием көне халыкларның гореф-гадәтләренә, тарихына һәм мәдәниятенә тагын бер кат мөрәҗәгать итеп, яшь буында халык мәдәниятенең казанышларын тирәнрәк аңларга мөмкинлек бирә.

Чыганак: https://bspu.ru/