Уфаның 450 еллыгына шәп бүләк!

Уфаның Октябрь районында искиткеч вакыйга! Сипайлово бистәсендә яшәүче Лилия Фәттахова 13 нче тапкыр әни булды.

"Шәһәрнең 450 еллыгына менә шундый бүләк: яңа уфалы туды. Бу шатлыклы яңалык кына түгел, ә гаилә елында өмет һәм мәхәббәт символы. Безнең бәхетле ананы һәм аның гаиләсен бу күркәм вакыйга белән котлыйбыз. Башкаланың юбилеена шундый яхшы бүләк ясаулары өчен зур рәхмәт ", - дип язган үз социаль челтәрләрендә Октябрь районы администрациясе башлыгы Сергей Плотников.

Кичә, Лилия Фәттахованы 3 нче санлы бала тудыру йортыннан каршыларга Уфа шәһәр советы депутаты Ирина Сухарева һәм башка рәсми затлар, Лилиянең гаиләсе, якыннары килде.