Хәйлә корбаны

Красноярск краенда яшәүче 60 яшьлек хатын Октябрьский шәһәрендәге  туганнарына кунакка кайткан һәм телефоннан "инвесторлар" белән аралашуын дәвам иткән.

Ул да булса моңарчы аңа мессенджерлар  аша таныш түгел затлар бәйләнешкә чыккан. Алар үзләрен инвестицияләр буенча эксперт дип таныштырган.  Бер ай элек кыйммәтле кәгазьләргә акча салу сылтавы белән пенсионерны интернет-кушымта йөкләргә  һәм интернет-бизнеска 11,5 миллион сумнан артык акча кертергә күндергәннәр.  Шуларның 8 миллион сумы – пенсионерның шәхси акчалары булган, ә 3 миллионын ул кредитка алган. Ханым зур табыш алуга өметләнеп, бөтен акчасын ялган инвестицияләргә күчергән. Аферистлар, зур капиталны эләктергәч, элемтәгә чыгудан туктаган.

Алданган ханым полициягә мөрәҗәгать иткән.