Яңа ел бәйрәмнәрендә пенсияләр ничек киләчәк?

Белүебезчә, Русиядә Яңа ел бәйрәмнәре 30 декабрьдән башлап 8 гыйнварга кадәр дәвам итә. Бу көннәрдә өлкәннәргә пенсияләр ничек таратылачак соң? Мәсьәләгә ачыклык кертәбез.

Русия Социаль фондының матбугат хезмәте хәбәр итүенчә, гыйнвар ае өчен пенсияләр һәм башка социаль түләүләр күнегелгән график буенча – 3 гыйнвардан башлап халыкка таратылачак. Аның конкрет датасы декабрь ае өчен пенсия квитанцияләрендә үк күрсәтелгән иде.

Кредит оешмаларына акчалар күчерү килешүдә билгеләнгән вакытта – 12 гыйнвардан соң башкарыла. Бу хактагы төгәл мәгълүматны “Русия почтасы” бүлекчәләреннән һәм банклардан алырга мөмкин.

Барыгызны да Яңа ел белән!

Фото: https://ru.freepik.com/