11 кеше авариядә каза күргән

Бүген көндез Уфа янындагы Алексеевка авылыннан бер чакрым ераклыкта балаларны Карамель фабрикасына алып баручы Higer автобусы “Шакман” йөк машинасы өстенә килеп менә. Самосвал сулга борылу өчен туктаган була. Автобус шоферы аңлатуынча, барысына да көчле бозлавык гаепле. Ул тормозларга баса, ләкин автобусны уңга-сулга болгый башлый. Аннары шофер бәрелүнең төп көчен үзенә алу өчен, рульне уңга таба бора. Ләкин балалар барыбер җәрәхәтләнә.

Эчке эшләр министрлыгы хәбәр итүенчә, бу вакытта автобуста 25 кеше була. Шуланың 11е төрле дәрәҗәдәге җәрәхәтләр ала һәм Уфа хастаханәләренә озатыла. Автобус шоферы үзен дә Уфаның 21 нче хастаханәсендә ителә. Каза күрүчеләргә ашыгыч ярдәм күрсәтү өчен 5 медицина бригадасы җәлеп ителә.

Әлеге вакытта  Башкортстан прокуратурасы авария буенча тикшерү эше алып бара.

Тагы бер тапкыр кабатлыйбыз: бүгенге катлаулы һава торышы шартларында юлга чыгарга ашыкмагыз! Үзегезне саклагыз!

Фото: Башкортстан прокуратурасы.