Пенсия алдындагы кешеләргә нинди льготалар бар?

Предпенсионерлар өчен федераль дәрәҗәдә түбәндәге ташлама-льготалар билгеләнгән:

1. Алар җир һәм милек салымыннан азат ителә;
2. Яңа һөнәр буенча бушка профессиональ уку үтәргә мөмкин;
3. Пенсиянең тупланма (накопительный) өлешен алу хокукына ия;
4. Эшсезлек өчен арттырылган пособие түләнә;
5. Эшкә урнашу мөмкинлеге булмаганда, вакытыннан алда пенсиягә чыгу хокукы бирелә;
6. Ел саен бушка диспансеризация үтү хокукы бирелә. Моның өчен алар ике түләүле ял көне белән тәэмин ителә;
7. Предпенсионерны эштән бушату, яки яшенә сылтанып эшкә алмау тыела.

Төбәк, ягъни Башкортстан Хөкүмәте билгеләгән льготалар түбәндәгечә:

1. Җәмәгать транспортында бушка йөрү һәм бушка дарулар алу;
2. Капиталь ремонтка һәм торлак-коммуналь хезмәтләре өчен түләүләргә ташлама-скидка ясала.

Һәр төбәк предпенсионерлар өчен үз льготаларын билгели ала.

Үзегезнең федераль льготаларга хокукларыгыз турында белешмәне “Госуслуги” дәүләт порталындагы шәхси кабинетыгыздан, МФЦдан, яки Русия Социаль фондының клиент хезмәтләреннән алырга мөмкин.

Льготаларны алу өчен шушы эш белән шөгыльләнүче оешмаларга мөрәҗәгать итәргә кирәк. Мәсәлән, эшсезлек буенча арттырылган пособие алырга, яки яңа һөнәр буенча бушка профессиональ уку үтәргә теләсәгез, үзегез яшәгән районның мәшгульлек үзәгенә барырга тиешсез.