900 граммлап сату булмаячак

Ниһаять, азык-төлек каплары бер стандартка салыначак. Юкса сөтне дә 800 я 900 миллилитрлап сата башлаганнар иде.

РФ Генераль прокуратурасы ГОСТка үзгәрешләр кертүгә иреште. Төп азык-төлек төрләрен җитештерүчеләр аларны хәзер стандартта расланган күләмдә генә капларга бүлә ала.

Ак май, көнбагыш мае, вермишель, шикәр, тоз, он, дөге, тары, кара чәй һәм башка азык-төлек товарлары җитештерүчеләр, аларны ГОСТ нигезендә бүләргә тиеш.

Мәсәлән, яңа кагыйдәләр буенча карабодай ярмасы -- 500, 1000, 2000 граммлы капларга, сөт 200, 250, 500, 1000, 2000 миллилитрлы фасовкага салынырга тиеш.

Юкса, күләмнең, авырлыгын төрле булу аларның бәяләрендә буталчыклык китереп чыгара иде.

Чыганак: Башинформ.

Фото: bublikhaus; Freepik.