Ә сез “Ана капиталы” алдыгызмы?

Русия Социаль фонды 2023 ел башыннан “Ана капиталы” булган гаиләләргә сертификаттагы акчаларының әлеге көнгә актуаль суммасы турында 6,5 миллион мөрәҗәгать юллаган. Мәгълүмат дәүләт хезмәтләре порталында шәхси кабинетлары һәм фондның клиент хезмәтләре аша бирелгән. Башкортстан Республикасының район һәм шәһәрләрендә социаль фонд бүлегенең клиент хезмәтләрендә акчаларның калган өлеше турында 3 меңнән артык сертификат иясе мәгълүмат алды.

“Ана капиталы”ның суммасы турындагы белешмә гаиләләргә программада каралган максатларга дәүләт ярдәме чараларын тотуны планлаштырырга ярдәм итә. Болар исәбенә ипотека өчен торак сатып алу яки балаларны укыту өчен түләү керә. 2023 елда “Ана капиталы” беренче балага 587 мең сум тәшкил итә. Әгәр дә гаиләдә 2020 елдан туган яки тәрбиягә алынган ике яки күбрәк бала булса, һәм аларга элегрәк “Ана капиталы” бирелмәсә, ата-аналар 775,6 мең сум ала. Сертификатта калган файдаланылмаган акча ел башында ана капиталы зурлыгы белән индексацияләнә.