Аю күрсәң, нишләргә?

Соңгы вакытта Башкортстанның шәһәр һәм авылларына кыргый аюлар еш “кунакка килә”. Соңгы атнада мондый хәлләр аеруча ешайды. Юлыңа аю очраса, нишләргә соң?

Башкортстанның Гадәттән тыш хәлләр министрлыгы шул уңайдан түбәндәге киңәшләрен әзерләде.

– Урманда гөмбә яки җиләк-җимеш җыеп йөргәндә, исегездә тотыгыз: аю каршыгызга теләсә кайсы урында һәм вакытта килеп чыгарга мөмкин. Сез моңа мораль яктан әзер булырга тиеш.

– Аю белән очрашканда, тыныч булыгыз, урыныгызда калыгыз. Ерткычлардан качарга ярамый. Аюның күзләренә карагыз.

– Чынлыктагыдан зуррак күренергә тырышыгыз. Кире чигенмәгез. Йөгермәгез. Тыныч тавыш белән сөйләвегезне дәвам итегез.

– Әгәр дә җәнлек сезгә таба килүдән туктаса, арагызны арттырырга тырышыгыз, акрын гына артка чигенегез. Бу очракта аю, мөгаен, сезне ташлап, үз юлы белән китәр.

Фото: osnmedia.ru