Лукашенко Уфаны сәламләде

– Юбилей чараларының Евразия үзәгендә Русия һәм Белоруссия төбәкләренең X форумы Башкортстанның бай тарихы һәм мәдәнияте булган башкаласында узуы символик әһәмияткә ия. Русия ягының форумнар географиясен киңәйтү турындагы карарын дөрес дип саныйм, – диде Александр Лукашенко. – Ул үз төбәкләренең өстенлекләрен мөмкин кадәр ачарга, аларның икътисади потенциалын ачык күрсәтергә мөмкинлек бирә.

Безнең өчен илебездән хәтта меңнәрчә чакрым ераклыкта да русиялеләрнең Белоруссия турында тагын да күбрәк белүе, Белоруссия-Русия партнерлыгының перспективасын ачык күрүләре мөһим.

Хезмәттәшлек нигезе нык салынган. Болар – Русия Федерациясе субъектларында Белоруссия компанияләренең төрле сәүдә филиаллары, шулай ук продукцияне “Беларусьта эшләнгән” билгесе белән сатучы сәүдә челтәрләре, аны яраталар һәм беләләр. Русия территориясендә күп кенә мөһим объектлар белорус төзүчеләре куллары белән төзелгән.

Тугандаш Башкортстан – искәрмә түгел. Уфа белән безнең предприятиеләр, оешмалар, иҗтимагый берләшмәләр, фән, сәнгать һәм мәдәният, мәгариф эшлеклеләре дәрәҗәсендә бик күптәнге, конструктив багланышларыбыз бар.

Үзара мөнәсәбәтләр тарихы бер дистә ел гына түгел. Дөресрәге, ул Советлар Союзы заманнарыннан бирле өзелмәде дә. Әмма иң зур кыйммәт – кеше мөнәсәбәтләренең иң нечкә капиллярлары, уртак тарих, мәдәният, менталитет, гаиләгә традицион караш, өлкәннәрне хөрмәт итү, зур перспективалар һәм яшьләргә ярдәм итү, – диде Беларусь Президенты.

Фото: "Башинформ".