+1 °С
Кар
Форум кысаларында оештырылган дискуссия мәйданчыкларының берсе гаиләдә ир белән хатын мөнәсәбәтләренә багышланган иде. Аны Уфа психологы Юлия Хәкимова алып барды. Катнашучыларны өч түгәрәккә бүлеп утырттылар. Алып баручы ярдәмчеләре тәкъдим иткән карталарда гаилә мөнәсәбәтләре турында сораулар язылган иде. Кемгә нинди сорау туры килә, шуңа җавап бирделәр. Психолог негатив әйтелмәләрне ни рәвешле итеп уңай якка бору турында сөйләде. Ягъни туташ һәм ханымнар үзләрен ире, балалары урынына куеп карады, рольле уеннарда катнашты. Башкаларның җавапларын тыңлап, аралашу мөмкинлегенә дә ия булды.