Вәхшилек

Туганнар да бүре кебекләр... 27 яшьлек ир-ат 12 яшьлек каенишенә балта белән һөҗүм иткән.

Вәхшилек

2 апрельдә Стәрлебаш районында коточкыч җинаять кылынган. Шәхси күралмаучанлык сәбәбе белән 27 яшьлек ир-ат 12 яшьлек каенишенә мунчада балта белән һөҗүм иткән. Аңа коточкыч яралаган, яралар күбрәк кул-аяк тирәсенә туры килгән.

Аннан бу кеше үз-үзен үтерергә ниятләгән, әмма моңа туганнары комачаулагач, җинаять урыныннан качкан. Юлда хәле начарланып китеп, аңын югалтып егылган. Юл уңае туры килгән автомобиль аны хастаханәгә китергән. Хокук саклаучылар аны биредә тоткарлаган һәм җинаять эше кузгаткан.

Санитар авиация имгәнгән малайны Уфага алып килгән. Бу хакта Башкортстанның Сәламәтлек саклау министры Айрат Рәхмәтуллин хәбәр иткән. РДКБ табиблары баланың гомере өчен көрәшә. Министр сүзләренчә, хәтта күпне күргән табиблар да бу хәлгә шаккаткан. Бала 40% тан артык канын югалткан булган.