Февральдә ничек ял итәчәкбез?

Русиялеләрне февральдә кыска эш атнасы һәм Ватанны саклаучылар көнен бәйрәм итү уңаеннан озын яллар көтә, дип хәбәр итте Роструд бүген үзенең Telegram-каналында.

"23 февральдә безнең ил Ватанны саклаучылар көнен билгеләп үтә, быел ул пәнҗешәмбегә туры килә һәм ял көне булачак. 1 гыйнвар якшәмбегә туры килгәнлектән, ял көне 24 февральгә күчерелгән иде. Бу исә гражданнарга биш көнлек эш атнасы графигында эшләүчеләргә 23 февральдән 26 февральгә кадәр ял итәргә мөмкинлек бирәчәк", – диелә хәбәрдә.

22 февральдә эш көне бер сәгатькә кыскартыла, чөнки ул бәйрәм алды көне булып исәпләнә. Алты көнлек эш атнасы буенча эшләүчеләргә шимбә, 25 февраль эш көне булачак.

Фото: shegvest.ru