Быел педагог һәм остазлар елы

2023 ел Русиядә педагог һәм остаз елы дип игълан ителде. Бу чара әлеге һөнәр вәкилләренең дәрәҗәсен күтәрү максатында уздырыла.

Уфаның мәдәни учреждениеләрендә Педагог һәм остаз елына багышланган тематик чаралар башланды. 

2 февральдә 18.00 сәгатьтә Уфаның 11 нче балалар музыка мәктәбе укытучылары концерты узачак. Ул тематик елның ачылуына багышланган. Керү ирекле.

16 гыйнвардан 5 февральгә кадәр Уфа балалар китапханәләренең үзәкләштерелгән системасы "Минем беренче укытучым" фотоакциясен үткәрә. Эшләрне  csdbf7@gmail.com электрон адресына җибәрергә була.

Фотоакциядә катнашу өчен түбәндәгеләр кирәк:

ВК челтәренә  #Учительница ПерваяМоя2023 хештегы белән беренче укытучыңның  фотосын куярга;

Фото астына рәхмәт сүзләре белән пост язарга яки беренче укытучы белән бәйле кызыклы вакыйганы сөйләргә;

Үзеңнең исемеңне, мәктәбеңне, укытучының исемен язарга.

30 гыйнвардан 4 февральгә кадәр Нариман Сабитов исемендәге 1 нче балалар музыка мәктәбенең концертлар залында Педагог һәм остаз елына багышланган мәктәп конкурсы узачак. Ул "Яшь талантлар" бөтенрсуия арт-проектына сайлап алу чарасы булып тора.

В. И. Ленин музей-йортында «Н. К. Крупская. Педагог. Остаз. Укытучы" күргәзмәсе оештырыла.

Бөтенрусия сукырлар җәмгыятенең Башкорт оешмасы тарихы музеенда ел буена  «Азбука Брайля» музей дәресләре үткәреләчәк.