+26 °С
Болытлы
Журналга язылу
Барлык яңалыклар
Җәмгыять
14 июль , 22:11

Русия дәүләтенә хыянәт итү өчен җәза

Русия Президенты Владимир Путин дошман ягына чыгуны  дәүләткә хыянәт итүгә тиңләү  турында законга кул куйды. Дошман ягына күчкән өчен максималь җәза – 20 елга иректән мәхрүм итү.

Русия дәүләтенә хыянәт итү өчен җәза
Русия дәүләтенә хыянәт итү өчен җәза

Русия Президенты Владимир Путин хәрби хәрәкәтләр шартларында дошман ягына күчүне дәүләткә хыянәт итүгә  тиңләштерү турындагы законга кул куйды. Документ пәнҗешәмбе көнне Хокукый мәгълүматның рәсми порталында урнаштырылган.

Дошманның ягына күчү мәгънәсе астында  турыдан-туры Русия Федерациясенә каршы торучы чит дәүләт көчләре (гаскәрләре), Халыкара яки чит ил оешмасы составында кораллы конфликтта, хәрби хәрәкәтләрдә яки корал һәм хәрби техника кулланып бүтән хәрәкәтләрдә катнашуы күз уңында тотыла.

Дошман ягына күчкән өчен максималь җәза 20 елга иректән мәхрүм итү каралган. Шундый ук җаваплылык чит ил дәүләтенә, Халыкара яки чит ил оешмасына финанс, матди-техник, консультация яки башка ярдәм күрсәткән өчен, яисә аларның вәкилләренә Русия хәвефсезлегенә юнәлтелгән эшчәнлек өчен каралган.

 

 

Фото: volgograd.bezformata.com

Автор:Мунир Вафин
Читайте нас в