Үзбәкстан белән сәүдә җанлана

Башкортстанга Үзбәкстаннан яңа өлгергән һәм киптерелгән җиләк-җимешләр, шулай ук тәмләткечләр һәм биологик актив өстәмәләр китереләчәк. Бу хакта Фирганә өлкәсенә эш визиты барышында Башкортстан Республикасының Сәүдә һәм хезмәт министры Алексей Гусев сөйләде.

Үз чиратында, Башкортстан Үзбәкстанга он, макарон, көнбагыш мае һәм шикәр экспортын җайга салачак.

Башкортстан эшмәкәрләре Үзбәкстан белән барлыгы 10,2 млн долларлык җиде килешү төзеде. Ягъни киләчәктә үзара сәүдә бәйләнешләре тагын да ныгыячак.