Күршеләрдә бәйрәм рухы

Г. Тукай туган җылы апрель аенда күрше Татарстанда әдәби-мәдәни чаралар күп үтә. Татар әдәбиятының елъязмасы булган "Казан утлары" журналының да 100 еллыгы да шушы арада билгеләп үтелде. Анда төрки телле республикаларның әдәби журналлары мөхәррирләре катнашты. Башкортстаннан бу чарада "Шоңкар" яшьләр журналының баш мөхәррире, язучы Айгиз Баймөхәммәтов булды. 

 Тукай премиясе быел шагыйрь, язучы Ләбиб Лерон һәм рәссам Анатолий Егоровка бирелгән. Лауреатларга премияне Җәлил исемендәге Татар дәүләт опера һәм балет сәхнәсендә Татарстан Республикасы Президенты Рөстәм Миңнеханов тапшырган.

Чыганак һәм фотолар: tatar-inform; Айгиз Баймөхәммәтов.