“Үзебезнекеләрне ташламыйбыз!”

Уфада Кырымның Русиягә кушылуы уңаеннан “Үзебезнекеләрне  ташламыйбыз” дип аталган митинг-концерт булып узды. Чара Конгресс-холл янындагы Торатау мәйданында үтте. Анда 30 меңгә якын кеше катнашты. Митинг-концертта Башкортстан Башлыгы Радий Хәбиров, Русия мөселманнарының Үзәк диния нәзарәте башлыгы Тәлгать Таҗетдин, Урыс паравослав чиркәвенең Башкортстан митрополиясе җитәкчесе Никон, Башкортстан мөселманнары диния нәзарәте башлыгы Айнур Биргалин, Уфаның баш раввины Дан Кричевский, Русия кораллы көчләренең запастагы генерал-майоры Игор Харченко һәм башкалар чыгыш ясады.  

– Бер язмыш, бер ил, без бүген лидерыбыз – Президентыбыз тирәсендә берләштек, без – Русия өчен, без – Путин яклы, без – тынычлык яклы! –  дип чыгыш ясады Башкортстан Башлыгы Радий Хәбиров.

Чыгышлар концерт белән үрелеп барды. Анда Русиянең “Город 312”  төркеме, Эльвин Грей һәм башкалар чыгыш ясады.

Фото: Bashinform.ru