Пилотсыз таксилар йөри башлаячак

Русия Президенты Владимир Путин ясалма интеллект  мәсьәләләренә багышланган халыкара конференциядә катнашты.

– Үзебезнең автомобиль предприятиеләре, автопром  конкурентлык шартларында  алга бара. Инде хәзер үк машина йөртүчедән башка хәрәкәтләнә торган автомобильләр булдырылды. Алар томан, буран һәм башка авыр шартларда йөри ала. Мәскәүдә  тест режимында – “Яндекс” компаниясе пилотсыз таксиның беренче сервисын эшләтеп җибәрергә планлаштыра.

Тик шул ук вакытта башка аспект турында да онытырга ярамый – пилотсыз автомобиль юл-транспорт фаҗигасенә тарыса кем җавап бирә, төзәтү хакларын кем түли? Хакимият һәм идарә органнары бу мәсьәләдә  еш кына тупикка керә, – дип чыгыш ясады Владимир Путин. Ул технологияләр алга киткән бер вакытта кайбер шәһәрләрдә һәм авылларда элемтә, интернет булмау очраклары булуын әйтте.

Фото: euromag.ru