Пенсионерларга Яңа елга 15әр мең сум акчалата бүләк бирелерме?

Икътисадчы Андрей Лобода белдерүенчә, Русия Президенты Владимир Путин Яңа елга пенсионерларга акчалата бүләк бирү турында игълан итәргә мөмкин. Белгеч язуынча, дәүләт башлыгының бу хакта декабрь аенда журналистлар белән үткәрелә торган зур матбугат конференциясе барышында игълан итүе ихтимал. Түләү күләме 5 меңнән 15 меңгә кадәр җитәргә мөмкин, дигән Лобода. Бу хактагы мәгълүматны karelinform.ru сайты урнаштырган. Әгәр бу сүзләр дөреслеккә туры килсә, өлкән яшьтәгеләр бәяләр көн дә артып торган бүгенге заманда сизелерлек матди ярдәм алачак.

Фото: http://baltaci.ru/news