"ТУЛПАР"га – 25!"

Дуслар, быел – "Тулпар" журналының тәүге саны чыгуга – чирек гасыр! Бу вакыйганы зурлап бәйрәм итәргә җыенабыз. 23 октябрьдә Уфа "Нур" татар дәүләт театрының Зур залында "ТУЛПАР"га – 25!" дигән әдәби-музыкаль бәйрәм үтәчәк. Кичке сәгать 7дә башлана. Керү бушлай. "Нур" театры артистлары, популяр җырчылар, биючеләрнең чыгышлары, китап, милли эшләнмәләр сәүдәсе көтелә. Хөрмәтле коллегалар, авторларыбыз, журнал укучылар, гомумән, әдәбият сөюче дусларыбыз, рәхим итегез!...Иң 1нче санны кулга алабыз һәм... күпме истәлекләр! Менә аларның берсе.

Беренче санны әзерләшүдә үземнең дә өлешем барлыгына шулкадәр шатмын. Башкорт дәүләт университетын тәмамлап бетмәс борын, "Тулпар"га эшкә чакырдылар.

Бердәнбер көнне минем кулга бер фото тоттырдылар да, анда кемнәр икәнен ачыкларга куштылар. Әлеге кебек, Интернет, Вацап, кесә телефоннары юк. Эш телефоннары җавап бирмәскә дә мөмкин. Киттем Яшь тамашачылар театрына. Баш режиссер бүлмәсендә Олег Ханов белән Азат Нәдергуловның сөйләшеп утыруы, көтеп торуым, алардан артисткаларның исемнәрен сорап, язып алуым хәтердә.

Ә фотода Республика Яшь тамашачылар театрында М.Фәйзинең "Ак калфак" пьесасы буенча куелган спектакльдән күренеш икән. Артисткаларның исемен дә белдем: Сара Буранбаева, Гөлназ Ирсаева, Альбина Кашапова, Гөлфия Рафикова, Чулпан Хөсәенова, Оксана Рәшитова, Эльмира Шәйхетдинова булган бу сөйкемле затлар.

Читайте нас:

Баш мөхәррир: Фаил Камил улы Фәтхетдинов

Телефон

8(347)272-67-48

Электрон почта

[email protected]

Адресы

450079, Республика Башкортостан, г. Уфа, ул. 50 летия Октября, 13, каб. 612

Реклама хезмәте

8(347) 272-62-27

Редакция

8(347) 272-67-48

Кабул итү бүлмәсе

8(347)272-13-61

Хезмәттәшлек

8(347) 272-67-48

Кадрлар бүлеге

8(347) 272-13-61