Гүзәл ҺАДЫЕВА. Кызлар футбол уйныймы?

Гүзәл Әхмәр кызы ҺАДЫЕВА 2005 елның 23 ноябрендә Дүртөйле шәһәрендә туган. Аңа бер яшь тулу белән әти-әнисе Уфага күченә. Бүген ул Ногай авылында урнашкан 147 мәктәпнең VII сыйныфында укый. Бер үк вакытта Уфаның 2нче Татар якшәмбе мәктәбендә белем ала. Монда ул татар телен, мәдәниятен өйрәнә, журналистика серләренә төшенә. Буш вакытларында кул эшләре, волейбол белән шөгыльләнә.Түбәндә без укучыларыбыз игътибарына Гүзәлнең тәүге иҗади тәҗрибәләренең берсен тәкъдим итәбез.

Табигать мине кыз бала итеп яралткан. Шуңа да күпләр минем көннәрем тегү тегеп, ашарга пешереп, бизәнеп үтәргә тиеш, дип уйлый. Ә мин футбол яратам! Әйе-әйе, телевизордан карарга түгел, ә уйнарга! Әти-әнием мине аңлый, күнекмәләрдән кайткач, хәлләремне, уңышларымны сорашалар.

Тик малайлар... алар аңламый. Футбол мәйданчыгына килсәм, тизрәк миннән котылырга тырышалар. Янәсе, кызлар ничек футбол уйный алсын, бу – чын ир-атлар уены бит!

Берчакны мин, үземнән ике-өч яшькә зуррак малайлар белән бәхәсләшеп, аларга үземнең футбол уйный белүемне исбатларга булдым. Өчәүләп бер капкага уйный башладык. Менә берсен уздым, икенчесен алдап урап үттем... Гол!

Малайлар, аптырашып, бер-берсенә карашып куйдылар, аннары, “без әле чынлап уйнамадык, хәзер күрерсең!” дип, туп артыннан чаптылар. Ләкин мин дә төшеп калганнардан түгел! Көндәшемнең каршына чыгып, аяк астына кереп үк дигәндәй, тупны тартып алдым да, капкага таба типтем. Гол! Малайлар, үләнгә ятып, башларын бәреп-бәреп алдылар. Чак еламыйлар гына инде!

Уенны дәвам иттек. Мин капкага бер-бер артлы янә ике туп керттем! Малайлар, башларын тотып, үләнгә утырды.

Менә шулай. Малай башыгыз белән, кызларны кимсетеп, аларны үзегездән түбәнрәк итеп карамагыз! Кызлар футбол уйный белә ул! Сер итеп кенә әйтәм, тормыш-көнкүреш хәлләрендә дә кызлар еш кына малайлардан акыллырак һәм тапкыррак булып чыга...

Илдус ФАЗЛЕТДИНОВ фотосы.

Читайте нас:

Баш мөхәррир: Фаил Камил улы Фәтхетдинов

Телефон

8(347)272-67-48

Электрон почта

[email protected]

Адресы

450079, Республика Башкортостан, г. Уфа, ул. 50 летия Октября, 13, каб. 612

Реклама хезмәте

8(347) 272-62-27

Редакция

8(347) 272-67-48

Кабул итү бүлмәсе

8(347)272-13-61

Хезмәттәшлек

8(347) 272-67-48

Кадрлар бүлеге

8(347) 272-13-61