Каз өмәсе: кемгә бәйрәм, кемгә җан кыю...

Каз өмәләре бара. Туклык, муллык, ашау-эчү, күңел ачу. Шәхсән мин үзем бу бәйрәмгә шикләнеп карыйм. Чөнки җан кыелуны бәйрәм дип атыйсым килми.

Каз өмәләре бара. Туклык, муллык, ашау-эчү, күңел ачу. Шәхсән мин үзем бу бәйрәмгә шикләнеп карыйм. Чөнки җан кыелуны бәйрәм дип атыйсым килми. Үзем дә авыл малае буларак, ана казның берәмтекләп йомырка салуын, сәке астындагы ояда ай буе утыруын, ата казның күтәрмә өстендә аны сагынып, көненә бер тапкыр һава суларга чыгуын зарыгып көтеп торуын, һәр бәбкәнең көтеп алынуын беләм. Аларны иреннән төкерек эчереп, сөеп-иркәләп дигәндәй саклап үстерүләр. Һәм шуларны чалып, бәйрәм итеп, авыз күтәреп гармун тартып, җырлап йөрү.

Минем әти зур мал суйганда аны чалыр алдынннан кызганып, күзем күрмәсен дип өйгә кереп китә иде. Гомумән, бу матур күренеш түгел, минемчә. Рухларга, ходайларга корбан китерү культы XXI гасыр өчен мәҗүсилек калдыгы. Безнең халык бәйрәм ярата. Туган телне саклау, милләтне үстерү буенча бәйрәмнәр уздырыйк!

КАЗ ӨМӘСЕ

Каз өмәсе. Авыл җырга чумган.

Бәйрәм итә бүген бар халык.

Уңган киленнәрнең кулларыннан

Күз иярми оча йон-мамык.

Энҗе кардан түгел, хәтта өйдә

Ак йоннардан күзләр чагыла.

Шәрә казлар асып көянтәгә

Су буена халык агыла.

Бозлар чатный шашып биюләргә,

Ялкауларның бүген бит пешә.

Танауларны кытыклап һәрбер өйдә

Казан тулы тәмле ит пешә.

Каз өмәсе — иң зур бәйрәм көне,

Авыл өчен олы тантана.

...Бәбкә көткән малай бәргәләнә,

Кар өстенә җылы кан тама...

Читайте нас:

Баш мөхәррир: Фаил Камил улы Фәтхетдинов

Телефон

8(347)272-67-48

Электрон почта

[email protected]

Адресы

450079, Республика Башкортостан, г. Уфа, ул. 50 летия Октября, 13, каб. 612

Реклама хезмәте

8(347) 272-62-27

Редакция

8(347) 272-67-48

Кабул итү бүлмәсе

8(347)272-13-61

Хезмәттәшлек

8(347) 272-67-48

Кадрлар бүлеге

8(347) 272-13-61