+10 °С
Болытлы
Журналга язылу
OK
Telegram
VK
Барлык яңалыклар
Шигърият
15 ноябрь 2019, 13:25
Зиннур НАСЫЙБУЛЛИН. Туган тел.
Әлеге шигырьне мин туган тел турында язылган иң шәп шигырьләрнең берсе дип исәплим. Сез дә укып карагыз!
Әлеге шигырьне мин туган тел турында язылган иң шәп шигырьләрнең берсе дип исәплим. Сез дә укып карагыз!
Синдә – шатлык җиңеллеге,
Кайгылар авырлыгы.
Ата-бабам батырлыгы,
Аналар сабырлыгы.
Синдә – күңелләр киңлеге,
Туган җирем ямьнәре.
Синдә – илем иркенлеге.
Синдә – дөнья гамьнәре.
Югалтмыйсың, туган телем,
Сине югалтканны да,
Син алып чыктың дөньяга
Синнән баш тартканны да.
Сиңа тел тидергәннең дә
Телен син ачкан идең.
Ана булып, бишегенең
Янына баскан идең.
Сиңа кырын караганның
Син күзен ачкан идең.
Рухыбыздан табылган тел,
Тагылган тел түгел син.
Тар юлларда тигәнәктәй
Сарылган тел түгел син.
Җырлау теле, елау теле
Уртак диярләр. Беләм.
Ләкин татарча елыйм мин,
Татар телендә көләм.
Читайте нас: