+13 °С
Болытлы
Барлык яңалыклар
Шигърият
22 октябрь 2019, 20:35
“ТУЛПАР”ГА МӘДХИЯ БӘЙГЕСЕ: ИРЕК ГАЛИН
Атлардан тик "Тулпар" калды,Иткә китми калганы.Әдәбият йөген төяп,Сөйри милли арбаны.
* * *
Атлар җигү заманасы үтте,
Модаларда хәзер машина.
Сабантуйда ат ярышы гына
Калып бара атлар башына.
Ул ярышта бер ат чыгымчылый,
Икенчесе кинәт абына.
Оста чабучының аты гына
Уктан җитез алга атыла.
Беренче ат тик алкышлар ала,
Ә хуҗасы ала машина.
Татарлыкны сөйрәп алга чаба
Ых та итми “Тупар” ат кына.
* * *
Заман башка, хәзер атны
Иткә генә тоталар.
Махсус чабышка дигәнне
Сабантуйда юрталар.
Канатлысы берәү калды,
Иткә китми калганы.
Әдәбият йөген төяп,
Сөйри милли арбаны.
Шагыйрьләр илһам көтәләр,
Күкләргә бага-бага.
Син татармы? “Тулпар” укы,
Авыз җәймә һавага.
Читайте нас:
© 1994-2024 елдан татар телендә чыгып килүче әдәби-нәфис, иҗтимагый-сәяси матбага
Баш мөхәррир: Фаил Камил улы Фәтхетдинов
Телефон
8(347)272-67-48
Электрон почта
Адресы
450079, Республика Башкортостан, г. Уфа, ул. 50 летия Октября, 13, каб. 612
Реклама хезмәте
8(347) 272-62-27
Редакция
8(347) 272-67-48
Кабул итү бүлмәсе
8(347)272-13-61
Хезмәттәшлек
8(347) 272-67-48
Кадрлар бүлеге
8(347) 272-13-61