+27 °С
Облачно
Шигърият
22 Марта 2019, 16:47
Салават Әбүзәровтан шәп шигырь
Салават ӘБҮЗӘРОВ
* * *
Елгалар хәзер саекты,
Күкләр шундый тәпәш.
Аксакаллы картлары да
Сабый белән яшьтәш.
Бөркетләр дә, еланнар да
Җирдә генә шуа.
Хәтта Гулливерлардан да
Лилипутлар туа.
Тәхетләр дә кечерәйде
Һәм бәләкәй таҗы.
Үз башына үлчәп карый
Аны һәрбер тазы.
Җир шары да учка сыяр, –
Тәти курчак кына.
...Тик үскәннән-үсә бара
Бары корсак кына...