Рухи күчтәнәч

Мөнир ВАФИН

* * *

Ленин миңа: “Укы! Укы!” – диде,

“Укыйм, укыйм”, – диеп тукыдым.

Күз нурларым түгеп гомер буе

Әллә күпме китап укыдым.

Дөньяларның асты-өскә килде,

Заман җиле чәчте зәһәрен.

Балаларга: “Компьютерга сең!” – дип,

Кемнәр әйтте икән, каһәрең!

Без китаплы булдык. Аны бездән

Һич кенә дә булмый аерып.

Компьютердан балаларны куып,

Кул-аягын йөрим каерып.

Ленин миңа тик бер генә әйтте,

Мәңгелеккә аны ятладым.

Ленин, нигә шушы буынга да

Ишетерлек итеп әйтмәдең?!

Иреннәрем соңгы сулышында:

“Укы, укы”, – диеп сөйләнер.

Оныкларым компьютерга багып,

Ясин сүрәләрен өйрәнер.

Читайте нас:

Новости партнеров

Баш мөхәррир: Фаил Камил улы Фәтхетдинов

Телефон

8(347)272-67-48

Электрон почта

[email protected]

Адресы

450079, Республика Башкортостан, г. Уфа, ул. 50 летия Октября, 13, каб. 612

Реклама хезмәте

8(347) 272-62-27

Редакция

8(347) 272-67-48

Кабул итү бүлмәсе

8(347)272-13-61

Хезмәттәшлек

8(347) 272-67-48

Кадрлар бүлеге

8(347) 272-13-61