Сәгыйдулла Хафизовка – 75 яшь

"Җете яшел яфраклар арасыннан сандугачлар чутылдавы ишетелә. Кәккүк кычкыра... – Фатыйма, Фатыйма! – дип, агачлар арасыннан аваз сала Мидхәт. – Чәчәкләр чыккан бит, кил!Кыз егет янына килсә, аһ итә, җир сап-сары чәчәкләргә күмелгән. – Эргәзембай бит бу! – Нишләп эргәзембай булсын, умырзая! – ди Мидхәт..."Бу юллар – “Тулпар”ның әле басмага әзерләнүче 2нче санындагы повестьтан. “Ике Фатыйма“ дип аталган әсәрнең авторы – Сәгыйдулла Хафизов. Күренекле галим, язучы Сәгыйдулла Хәбибулла улы Хафизов (әдәби псевдонимы – Сәгыйть Лашманчы) бүген 75 яшьлек күркәм юбилеен билгели. Мөгаллимебез, даими авторыбызны күркәм гомер бәйрәме белән котлап, аңа сәламәтлек, иминлек, иҗат уңышлары, безне киләчәктә дә гүзәл әдәби әсәрләре белән сөендерүен телибез!