+8 °С
Болытлы
Роберт абый, китеп бардың,
Ник ташладың безне?
Синнән башка ничек әйтик
Әйтер сүзебезне?
Йоклап яткан бу халыкны
Ничек уятасы?
Йокычылык һәм әпәлек
Милләтнең хатасы.
Йөрәкләрне сүзең белән
Телеп-телә идең.
Җаннарга үтмәле итеп
Әйтә белә идең.
Кесәләрдә йодрык төйнәү
Килә безнең кулдан.
Тик син генә аһ-зарларны
Әйтә белдең телдән.
Иң кирәген, тиешлесен
Әйттең вакытында.
Уратып-чуратып тормый
Әйттең син бер тында.
Янучылар булыр алда,
Вәзгыять бик кызу.
Туры килерме безләргә
Аны әйтми узу?
Милләттемнең хәлен беләм –
Эче тулы ялкын.
Авызына су тутырып
Яшәп ята халкым.
Башка табып булмас инде
Моңнуллинга тиңне.
Әпә халык хәзер сүзен
Ничек әйтер инде?
28.03.2020
Фото: twitter.com