БУЫННАРНЫ БӘЙЛӘҮЧЕ ОСТАЗ ИДЕ УЛ…

Камил ага ДӘҮЛӘТШИННЫҢның беренче лекциясе, тәүге сүзләре әлегә кадәр хәтердә. Аудиториягә кереп, утыз ике егет-кыздан торган группабызны күздән кичергәч, ул: – Монда өч кеше бар икән, – дип елмаеп куйды. Безнең аптырашып, бер-беребезгә карашып утыруыбызны күргәч: – Өч кеше, ә калганнары кызлар, – дип өстәде. Кычкырып көлеп җибәрдек. Аудиториядәге киеренкелек шунда ук юкка чыкты, укытучы һәм студент арасында бәйләнеш урнашты.

Камил абый безнең белән таныша башлады. Чират миңа килеп җитеп, исем-шәрифләремне сорашкач, ул көтмәгәндә:

– Әтиеңне Камил дип беләм, үзең камилме соң? – дип куйды. Коелып төштем, нәрсә әйтергә дә белмәдем. Үлеменә кадәр Остазым алдында үземнең камиллегемне расларга тырышып йөрдем. Чөнки Камил ага минем өчен рухи камиллекнең иң югары үрнәге булды.

К.С. Дәүләтшинның исемен нәселебез тарихына алтын хәрефләр белән язарлык. Үзегез уйлап карагыз, әтием дә, әнием дә – аның шәкертләре. Өстәвенә, әтием – Камил аганың дипломчысы да әле. Аннан үрнәк алыптыр инде, үзем дә, энем Илдар да, тормыш иптәшем Эльвира да БДУда укыганда диплом эшләребезне Камил ага җитәкчелегендә яздык. Димәк, Камил Салих улы берьюлы дүрт Фазлетдиновның – диплом җитәкчесе, безнең нәселнең ике буынының яраткан Остазы булып тора. Ул – буыннарны бәйләүче Остаз.

Илдус ФАЗЛЕТДИНОВ,

1991-1996нчы елларда БДУ студенты.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Баш мөхәррир: Фаил Камил улы Фәтхетдинов

Телефон

8(347)272-67-48

Электрон почта

[email protected]