Халисә МӨДӘРИСОВА. ХУШЛАШУ. Рим Идиятуллин рухына

Хәлне аңлый тик яшәүче

Лифты юк фатирда.

Мәхбүс түгел, син хан идең

Сихри шигъри чатырда.

Йөрүчеләр машинада,

Самолетта, поездда

Дәрья кичә, ярга күчә.

Күңел күзе күпләрнең юк –

Күрмиләр ил гизеп тә.

Син дөньяны ача белдең

Бер аяклы килеш тә.

Күпме моңлы, җырлы җаннар

Таптылар синдә терәк,

Чөнки юка иңнәреңдә

Талпынды азат йөрәк.

“Хәерле иртә”, – дидең син,

И, милләт, уян гавәм!

Халкыңны горур булырга

Чакырды синең каләм.

“Хәерле көн”, “Хәерле кич”,

Хәерле булсын җиһан!

Телебезне онытмаска

Тир түкте синең илһам.

“Хәерле төн”, – дидең безгә,

Булыры булган – үткән,

Яңа таң туар офыкта...”

Ә хәзергә –

Төн йолдыз җыя күктән!..

Өстә киек каз юлымы,

Шагыйрь гомере микән?

Төн йолдыз җыя күктән.

Читайте нас:

Баш мөхәррир: Фаил Камил улы Фәтхетдинов

Телефон

8(347)272-67-48

Электрон почта

[email protected]

Адресы

450079, Республика Башкортостан, г. Уфа, ул. 50 летия Октября, 13, каб. 612

Реклама хезмәте

8(347) 272-62-27

Редакция

8(347) 272-67-48

Кабул итү бүлмәсе

8(347)272-13-61

Хезмәттәшлек

8(347) 272-67-48

Кадрлар бүлеге

8(347) 272-13-61