"Нур"да премьера

9, 10 декабрьдә Уфа татар дәүләт "Нур" театрында Зифа Кадыйрованың “Урланган яшьлек” әсәре буенча шул ук исемдәге спектакль премьерасы узачак.

Әлеге спектакль белән Башкортстанның халык, Татарстанның атказанган артисткасы Миңнинур Сәитова-Гыйзәтуллинаның юбилее билгеләнә. Актриса төп рольне – Зөһрә ролен башкара.

Мелодраманың режиссеры һәм музыкаль яктан бизәүчесе – Башкортстанның атказанган сәнгать эшлеклесе һәм атказанган артисты Илдар Вәлиев.

Инсценировка авторы – Гөлнур Усманова. Сәхнә рәссамы – Нурия Габидуллина, Башкортстанның атказанган рәссамы, костюмнар буенча рәссам – Наталья Степанова, Башкортстанның атказанган мәдәният хезмәткәре.

Билетларны театрның рәсми сайтыннан www.teаtrnur.ru һәм кассадан (248-95-33) сатып алырга мөмкин.

Рәхим итегез!