Туйчыбайда туйлар шәп үтәчәк!

Тиздән Туйчыбай авыл мәдәният йорты яңа сулыш алачак! Әлеге көндә биредә «Мәдәният» гомумдәүләт проекты кысаларында 2021 елга «Муниципаль мәдәният учреждениеләрен яңарту» юнәлеше буенча ремонт эшләрен уза. Бу очраклы түгел, чөнки туйчыбайлылар мәдәният оешмаларына Башкортстан Республикасы бюджетыннан субсидияләр бирү конкурсында җиңеп чыкты. Капиталь ремонтка алты миллион сумнан артык акча бүлеп бирелде. Подрядчы булып «Ремстроймонтаж» җаваплылыгы чикләнгән җәмгыяте тора. Клуб бинасында ремонт эшләре башланды да инде.

– 1971 елда төзелгән бина күптән ремонт таләп итте. Озак еллар учреждениедә бернинди яңарту эшләре дә башкарылмады. Капиталь ремонт кысаларында бина, электр белән тәэмин итү һәм вентиляция системалары ремонтланачак, түбә, тәрәзәләр һәм ишекләр алыштырылачак. Бу исә учреждение базасында төрле дәрәҗәдәге концертлар, конкурслар, танылган йолдызларның гастроль чыгышларын үткәрергә мөмкинлек бирәчәк, – дип планнары белән уртаклашты район мәдәният бүлеге начальнигы Дамир Хаматов.

– Капиталь ремонттан соң учреждение бөтен халыкның иҗади башлангычларын тормышка ашыру өчен платформа, шулай ук аралашу өчен уңайлы урын булыр дип өметләнәбез. Хәзерге вакытта авыл мәдәният йортында 4 оешма эшли, шул исәптән 2 балалар бакчасы, аларда 100дән артык кеше шөгыльләнә. Капиталь ремонттан соң безнең клуб уңайлырак булыр һәм безнең килүчеләр саны тагын да артыр дип ышанабыз, – диләр клубның культура чараларын оештыручы Миләүшә Касыймова һәм китапханәче Неля Гыймаева.

Чыганак: https://srk.nationalpriority.ru/press_releases/90319