Теплицаларда яшелчә үстерү коточмалы күп

усия Федерациясе Авыл хуҗалыгы министрлыгы фаразлары буенча, 2021 елда кышкы теплицаларда 1,45 миллион тонна яшелчә үстереләчәк, бу узган ел күрсәткеченнән 7,6 ка артыграк. Федераль аграр ведомствоның оператив мәгълүматларыннан күренгәнчә, 2 февральгә ил теплицаларында 114,3 мең тонна яшелчә җитештерелгән, бу 2020 елга караганда 15,6%ка артыграк (98,9 мең тонна). Шулардан кыяр уңышы 75,3 мең тонна тәшкил итте (+6,4%), томатлар – 37,3 мең тонна (+40,8%).

Төбәкләр арасында бу өлкәдә Липецк, Мәскәү, Калуга, Волгоград, Новосибирск өлкәләре, Краснодар һәм Ставрополь крайлары, Башкортстан һәм Татарстан, Карачай-Черкес республикалары лидерлар рәтендә. Алар өлешенә илдә җитештерүнең гомуми күләменең 57% тан артыгы туры килә.

Җиләк-җимеш һәм яшелчә җитештерүчеләр берлеге директоры Михаил Глушков фикеренчә, җитештерүне үстерүгә теплица проектларына гомумдәүләт проекты кысасында инвестицияләр ярдәм иткән. 2016 елдан башлап комплексларның мәйданы өчтән бер өлешкә артты һәм 2020 елда якынча 2,8 мең гектар тәшкил итте, шул ук вакытта бу вакыт эчендә продукция җитештерү күләме 78%ка артты.

Узган ел нәтиҗәләре буенча кышкы теплицаларда яшелчә җитештерү үсеше 18%тан артык, импорт 15,2% ка 558,9 мең тоннага кадәр кимегән.
2020 ел йомгаклары буенча Башкортстанда 69,4 мең тонна теплица яшелчәсе (2019 елда 68,5 мең тонна) җыелган.

Фото: Bashinform.ru