Салават һәм ГТО

Салават шәһәренең “Алмаз” Спорт мәктәбендә ГТО комплексының мобиль җиһазларын тәкъдим иткәннәр. Бу хакта Башкортстанның спорт һәм яшьләр сәясәте министрлыгының матбугат хезмәте хәбәр итә.

Җиһазларның бәясе 300 мең сумнан артып китә. Аны сатып алу өчен акча Башкортстанда “Демография” дип аталган гомумдәүләт проектын тормышка ашыру кысаларында республика бюджетыннан бүлеп бирелгән.

Яңа мобиль җиһаз комплектында спорт комплекслары, идәндә яки гимнастик эскәмиядә күнекмәләр үтәү өчен җиһазлар, шулай ук ату өчен электрон компьютер комплекслары һәм башкалар бар.

“Узган ел “Хезмәткә һәм оборонага әзер” Бөтенрусия физкультура-спорт комплексының тиешле нормативларын үтәүчеләргә яңа җиһазларны тәкъдим итү барышында ГТОның алтын значокларын һәм аларга таныклыклар тапшырдылар”, – дип белдерделәр Башкортстанның спорт министрлыгында.

Рәсми ачу чарасыннан соң катнашучылар белән гомуми күнекмә үткәрделәр, аннан соң барлык теләүчеләр яңа җиһазларны сынап карады һәм ГТО комплексы нормативларын үти алды.

“Хезмәткә һәм оборонага әзер” (ГТО) Бөтенрусия физкультура-спорт комплексы – ул ил халкын физик тәрбияләүнең тулы кыйммәтле программасы һәм норматив нигезе.

ГТО комплексы төрле яшь төркемнәрендә (6 яшьтән 70 яшькә кадәр һәм аннан өлкәнрәкләр) тарафыннан “Хезмәткә һәм оборонага әзер” (ГТО) аерымлык билгесенә туры килә торган өч дәрәҗә буенча билгеләнгән норматив таләпләрнең (6 яшьтән алып 70 яшькә кадәр һәм аннан өлкәнрәк) турыдан-туры үтәлүен күздә тота).

Фото: Bashinform.ru