Уфалылар матур булачак

Эшкуарлык буенча илкүләм проект ярдәмендә Уфада эстетика һәм лазер косметология үзәге киңәйтелде.

Кече һәм урта эшкуарлыкны үстерү буенча Башкортстан Республикасының региональ Гарантия фонды матурлык индустриясе өлкәсендә эшләүче Уфа эшкуарына банк кредиты алырга ярдәм итте.

Отышлы шартларда гарантия астында алынган кредит чаралары косметик үзәк җитәкчесе Иван Стахеевка яңа җиһазлар сатып алу гына түгел, ә тагын бер косметология үзәген ачу мөмкинлеге дә биргән.

Ел башыннан Гарантия фонды Башкортстан эшкуарларына 600 миллион сумнан артык акча алырга ярдәм иткән. Һәр гариза җентекле тикшерү уза. Иван Стахеев компаниясе финанс тотрыклылыгы, планлы үсеш һәм клиентлар базасын киңәйтү буенча тотрыклы дип табылган.

Республикада “кече, урта һәм шәхси эшкуарлык башлангычына ярдәм” милли проектын гамәлгә ашыру кысаларында бизнес кредитлар, заемнар, финанс арендасы (лизинг), шулай ук гарантия ярдәме рәвешендә ташламалы финанслауны алырга мөмкин.

Әлеге өлкәдә ярдәм Русия Президенты Владимир Путинның гомумдәүләт проектлары турында фәрманына ярашлы тормышка ашырыла.

Фото: ulpressa.ru