Барлык яңалыклар

Курай уйна һәм көрәш

Белорет районының Сосновка авылында капиталь төзекләндерүдән соң мәдәният йорты бүлекчәсе ачылды.

Мәдәният йорты Белорет районында “Мәдәният” милли проектының беренче тормышка ашырылган объекты булды. Аны яңарту Башкортстан Республикасы Мәдәният министрлыгы ярдәме белән тормышка ашырылды.
Мәйданы 1200 квадрат метр булган мәдәният йортында авыл модель китапханәсе дә урнашкан. Мәдәният йортында барлык категория гражданнар өчен иҗат төркемнәре һәм һәвәскәрләр берләшмәләре шөгыльләнә.
Хәзерге вакытта Сосновка мәдәният йорты базасында 10 клуб оешмасы эшли, аларда 115 кеше даими нигездә шөгыльләнә. “Арташ” бию ансамбле һәм “Зифа” фольклор ансамбле райондагы чараларда актив катнашалар.
“Мәдәни мохит” илкүләм проекты кысаларында үткәрелгән эшләр нәтиҗәсендә бинада тагын бер кат барлыкка килде, тәрәзәләр һәм ишекләр алыштырылды, керү урыннары, идәннәр төзәтелде, клубта санузел барлыкка килде. Тавыш һәм ут җиһазлары сатып алынды. Мәдәният йортында төзекләндерүдән соң курай классы һәм “Көрәш” спорт берләшмәсе ачыла.
Фото: Мәдәният министрлыгының Матбугат хезмәте.
Читайте нас в