“Киләчәк фабрикасы”

Уфада “Киләчәк фабрикасы” дип аталган инновацион эшкуарлык йорты яңа форматта эшли башлады. Ул башкаланың Черниковка бистәсендәге Тынычлык урамының 14 йортында урнашкан. Башкортстан Республикасының Эшкуарлык буенча дәүләт комитеты мәгълүматларына караганда, “кече һәм урта эшкуарлык, шулай ук шәхси малтабарлык инициативасына ярдәм” илкүләм проекты кысаларында төзекләндерү эшләре үткәрелгән.

25 сентябрьдә “Киләчәк фабрикасы”нда Башкортстан Башлыгы Радий Хәбиров булды һәм стартаплар һәм бизнесны үстерүнең яңа мәйданчыклары белән танышты.

Анда “Һөнәрчелек келәме” булдырылган. Биредә этник бизәкләр, аксессуарлар, табигый тире, металл, агачтан сувенирлар, милли кием, җәя һәм уклар җитештерү башланган. Барлыгы 20гә якын эш урыны һәм сәүдә ноктасы булдырылган.

Икенче мәйданчык – киберспорт һәм нейротехнологияләр лабораториясе. Аның базасында ярышлар робот техникасы, киберспортчылар командаларын әзерләү программаларын үстерү күздә тотыла.

“Киләчәк фабрикасы”нда барлык мәйданчыкларны да җәлеп иткән инновацион марафон булды. Биредә шулай ук “Минем бизнес” үзәге, эшкуарлар өчен күпфункцияле үзәк, бизнес-инкубатор, коворкинг, “Футурика” яшьләр иҗаты үзәге, робот-баристлы кафе эшли.

Бу эшләр Русия Президенты Владимир Путинның гомумдәүләт проектлары кысасында тормышка ашырыла.

Фото: Bashinform.ru