Планнар зурдан

Русия Федерациясе Президенты Владимир Путин 2030 елга кадәр ил үсешенең гомум дәүләт максатлары турында яңа указга кул куйды. Указда түбәндәге беренчел максатлар аталган:

халык санын саклау,

кешеләрнең сәламәтлеген һәм иминлеген тәэмин итү;

талантларга үз-үзләрен танытырга һәм үсәргә мөмкинлекләр тудыру;

яшәү өчен уңайлы һәм имин мохит булдыру;

лаеклы, нәтиҗәле хезмәт һәм уңышлы малтабарлык;

санлы трансформация.

Талантларга үз-үзләрен танытырга һәм үсәргә мөмкинлекләр тудыру дигән максат исә шундый төп бурычларны күздә тота:

– белем сыйфаты буенча Русия Федерациясенең дөньяның әйдәп баручы ун иле санына керүе;

– укучыларның үзбилгеләнүенә һәм аларны һөнәри ориентацияләүгә ярдәм итү; балаларда, яшьләрдә сәләтләрне, талантларны ачыклауның, үстерүнең гадел, нәтиҗәле һәм гомумилек принципларына нигезләнгән системасын формалаштыру;

– фәнни тикшеренүләр һәм эшләнмәләр күләме буенча, шул исәптән югары белем бирүнең нәтиҗәле системасын булдыру исәбенә, Русия Федерациясенең дөньядагы әйдәп баручы ун ил арасында булуын тәэмин итү;

– Русия Федерациясе халыкларының рухи-әхлакый кыйммәтләре, тарихи һәм милли-мәдәни традицияләр нигезендә гармонияле үсеш алган һәм социаль җаваплы шәхес тәрбияләү өчен шартлар тудыру;

– волонтерлык (ирекмәнлек) эшчәнлеге белән шөгыльләнүче яисә волонтерлык (ирекмәнлек) оешмалары эшчәнлегенә җәлеп ителгән гражданнарның өлешен 15 процентка кадәр арттыру.