Мәгариф алдында бурычлар зур

“Русия Федерациясенең 2024 елга кадәр үсешенең стратегик бурычлары һәм илкүләм максатлары турында” указының 5нче пунктында әйтелүенчә, мәгариф өлкәсендәге гомумдәүләт проектлары берничә төп максатларга ирешүне күздә тота: Русия мәгарифенең глобаль конкурентлык сәләтен күтәрү, илне гомуми белем бирү сыйфаты буенча дөньяның әйдәп баручы 10 иле исәбенә керүен тәэмин итү; Русия Федерациясе халыкларының рухи кыйммәтләре, тарихи һәм милли традицияләре нигезендә гармонияле үсеш алган һәм социаль җаваплы шәхес тәрбияләү.

Әлеге максатларга ирешү өчен билгеләнгән бурычларны искә төшереп үтик:

– төп гомуми һәм урта гомуми белем һәм тәрбия бирүдә яңа ысуллар, технологияләр кертү; укучыларда белем алуга мотивацияне арттыру; белем бирү процессын, шулай ук эчтәлеген яңарту һәм ысулларын камилләштерү, шул исәптән, “Технология” предметы өлкәсен укытуны камилләштерү.

– сәләтләрне ачыклау, аларга ярдәм итүнең һәм аларның үсешенең нәтиҗәле системасын булдыру; гаделлек, гомумилек һәм җәмгыять принципларына, үзбилгеләнеш һәм һөнәри ориентациягә нигезләнеп, балалар һәм яшьләрнең сәләтләрен, талантлар үстерү;

– өч яшькә кадәрге балаларның иртә үсеше өчен шартлар тудыру; гаиләдә мәктәпкәчә яшьтәге балалары булган ата-аналарга психологик-педагогик, методик һәм консультатив ярдәм программаларын гамәлгә ашыру;

– белем бирүнең югары сыйфатын һәм аңардан һәркем файдалана алырлык булуын тәэмин итәрдәй заманча һәм куркынычсыз санлы белем бирү мохитен булдыру;

– педагогик хезмәткәрләрнең һөнәри үсешенең гомумдәүләт системасын кертү; бу система гомуми белем бирү оешмалары укытучыларының кимендә 50 процентын колачларга тиеш;

– адаптацияләнгән, гамәли юнәлешле һәм сыгылмалы белем бирү программаларын кертү юлы белән һөнәри белем бирүне модернизацияләү;

– эшләүче гражданнар тарафыннан үз һөнәри белемнәрен өзлексез яңарту һәм аларның яңа һөнәри күнекмәләр алу системасын булдыру, шул исәптән барлык теләүчеләргә санлы икътисад өлкәсендә компетенцияләргә ия булу мөмкинлеген тудыру;

– гражданнарга белем бирү максатларында һөнәри конкурслар системасын, һөнәри һәм карьера үсеше өчен мөмкинлекләр булдыру;

– остазлыкны үстерү, иҗтимагый инициатива һәм проектларларга ярдәм итү өчен (шул исәптән ирекмәннәр (волонтерлар) өчен) шартлар тудыру;

– югары белем бирү мәгариф оешмаларында һәм фәнни оешмаларда белем алучы чит ил гражданнарының кимендә ике тапкырга артуы, шулай ук аларның иң яхшыларын эшкә урнаштыру буенча чаралар комплексын гамәлгә ашыру.