Юллар ялтырап ятачак

Башкортстанда ел ахырына кадәр “Куркынычсыз һәм сыйфатлы автомобиль юллары” дип аталган милли проект буенча 300 км юл ремонтланачак. Төбәк транспорты рәисе Алан Марзаев сүзләренә караганда, юл челтәрен яңарту өч республика проекты буенча бара: “юл челтәре”, “юл хуҗалыгын үстерүнең гомуми системалы чаралары” һәм “юл хәрәкәте иминлеге”. Моның өчен 7 миллиард сум каралган.
“Ел ахырына кадәр юлчылар Уфа районының Көнбатыш әйләнешеннән Авдон авылына керү юлын, Коммунистик, Урау һәм Каранай Моратов урамнары чатларын, шулай ук Стәрлетамакта Суханов, Ильич һәм Стәрлебаш тракты урамнарын төзекләндерүне төгәлләргә планлаштыралар. Моннан тыш, 2020 елда Салаваттагы Бекетов урамы буенча автомобиль юлы төзелеше төгәлләнәчәк. Калинин районында Валерий Лесунов (авыл урамыннан алып Баландин бульварына кадәр) һәм Баландин бульвары (Валерий Лесунов урамыннан Ферин урамына кадәр) өлешләр төзеләчәк”, - дип белдерде Төбәк транспорты рәисе Алан Марзаев.

Асфальтны яңартудан тыш, республикада 23 светофор, 248 юл билгесе, 1 200 метр җәяүлеләр өчен киртә куелачак. Юл хәрәкәте кагыйдәләрен бозуларны фотовидеофиксацияләү буенча 459 камера урнаштырылган да инде.

Фото: bash.news