Авырулар вертолетта очачак

2024 елга Башкортстанда санитар авиациянең 10 вертолет мәйданыннан торган территориаль челтәрен булдыру планлаштырыла. Бу хакта республиканың Сәламәтлек саклау министрлыгы хәбәр итә.
Мондый бер мәйданчыкка хезмәт күрсәтү елына 950 мең сум чамасы тәшкил итәчәк.

Санитар авиация вертолетлары өчен утыру мәйданчыклары “Сәламәтлек саклау” илкүләм проектының беренчел медик-санитар ярдәмен үстерү программасы кысасында булдырыла.
Санавиация өчен 10 вертолет мәйданчыгының өчесе Уфада, берсе – Баймак, Белорет, Нефтекама, Октябрьский, Стәрлетамак, Аскын һәм Мәсәгутьтә булачак. Уфада мондый мәйданчыклар 18нче санлы шәһәр клиник хастаханәсенең пешү үзәге, Русия Сәламәтлек саклау министрлыгының Башкорт дәүләт университеты клиникасы һәм республика клиник Перинаталь үзәге янында барлыкка киләчәк.

Быел санавиация вертолетлары инде 75 очыш ясаган. Бу федераль бюджеттан алынган 38,5 миллион сум күләмендә субсидия ярдәмендә мөмкин булган. Шул ук вакытта, экспертлар бәяләвенчә, Республиканың санитар авиация ярдәмендә авыручыларны ашыгыч рәвештә күчерүгә ихтыяҗы 290га якын кеше тәшкил итә.

Хәзерге вакытта “санитар-авиация эвакуациясе” профиле буенча гадәттән тыш хәлләрдә медицина ярдәме күрсәтү белән өлкән яшьтәге халыкка бары тик Куватов исемендәге республика клиник хастаханәсе, балаларга республика балалар клиник хастаханәсе генә шөгыльләнә.

Фото:Bashinform.ru