Авыл ипотекасы популяр

«Авыл территорияләрен комплекслы үстерү» дәүләт программасы гамәлдә булган өч ай эчендә республикада якынча 3 млрд сумнан артык суммага 1,5 мең гариза хупланган. 500 гә якын кеше инде 1 млрд сумлык ташламалы кредитлар алган.

Авыл ипотекасы килешүләре саны буенча Уфа, Стәрлетамак һәм Кырмаскалы районнары алда бара. Бурычка алучыларның 60% ы – фатир, 40%ы шәхси йорт сатып алуны өстен күргән. Авыл ипотекасын рәсмиләштерүчеләрнең яртысыннан артыгы – 35 яшькә кадәрге яшь гаиләләр.

***

Гаилә хәленә, теркәү һәм социаль статуска гомуми таләпләр юк. Программада барлык теләүчеләр катнаша ала: буйдак ир-атлар яки хатын-кызлар, яшь парлар, бер, ике я өч балалы гаиләләр, яшьләр һәм урта яшьтәге кешеләр. Авылда яшәү мәҗбүри түгел. Таләпләрне банклар үзләре дә куя ала. Кайбер банк – яшь буенча чикләүләр куя, кайберсе – даими эш урынына, әмма барысы өчен дә кредит тарихы һәм рәсми тотрыклы керем мөһим.

Торак авыл җирлегендә урнашкан булырга тиеш. Кредитны яңа төзелеш, икенчел базарда торак сатып алу, йорт төзү я төзеп бетерү өчен алырга мөмкин.

Кредитның максималь суммасы – өч миллион сум. Шартнамәнең гамәлдә булу вакыты – 25 елга кадәр. Башлангыч кертем – 10% тан. Ана капиталын кулланырга мөмкин. Сатып алу шартнамәсе яисә өлешле катнашу шартнамәсе буенча гына сатып алу каралган. Банк белән килешү 2020 елның 1 гыйнварыннан соң төзелгән булырга тиеш. Торак яшәү өчен яраклы (барлык коммуникацияләр – электр, канализация, су, җылылык һәм газ белән) булырга тиеш. Торак мәйданы социаль нормадан ким булмаска тиеш. Ялгыз яшәүче гражданнар өчен бу – 33 кв. метр, ике кешелек гаилә өчен – 42 кв. м, әгәр гаиләдә өч һәм аннан да күбрәк кеше булса, һәркайсына – 18 кв. м.

Тулырак бу хакта: bashinform.ru/news/1413547-kak-zhitelyam-bashkirii-poluchit-selskuyu-ipoteku-pod-0-1/.